قانون الحُب و الكرامة/رؤية وقلم 📝 صفاء الطويل
💔💓 قانون الحُب و الكرامة💓 💔
_ الحُب 💕💗💕 ....
رزق
و حظ
وممكن أوي
تحب حد
وتعملّه اللااالي ...
لكن للأسف 😢
يكون مش رزقك ومالكش حظ معاااه
خصوصا لو حظك الوحش
وقعك مع حد قاسي و جاف
وبخيل المشاعر وعنده لامبالاه
ويمكن يكون مش حاسس بيك أصلا
_إنت تديلُه حب وحنان
وهوا يستخسر فيك كلمتين حلوين
يبلوا ريقك أو يرفعوا معنوياتك
_تحاوطه إنت باهتمامك ورعايتك
فيزود هوا من إهماله ليك ..
_ تعلّي مقامه وترفع قيمته
فيقلل هوا من شأنك ويستهين بيك
_تخليه أولوية أولى في ترتيب حياتك فتكون إنت آخر حاجة يفكر فيها
_تفضيله نفسك وتنسى كل الدنيا علشانه
فيستكتر عليك دقايق من وقته الثمين
_تقلق عليه وتدور عليه
وترد فيك الروح لما تلاقيه
فيحبطك هوا بكلمتين ماسخين مالهومش لازمة ..
_تروحله وتجري عليه فرحان
فيصدك ويحبطك ويكسر بخاطرك
_يكون بالنسبالك حلم وهدف
نفسك توصله
فيخليك هوا بديل ودرجة تانية
لما يتزنق يلاقيك
_حُبك ليه مخليك رهن إشارته
في الوقت اللي عمرك ما احتاجته
ولقيته ولااا هتلاقيه
_حاسس معاه بالحرمان .. 😢
لكن مش قادر تستغني عنه
_جواك مشاعر بالإهانة وقلة القيمة
وعدم الإحترام وعدم التقدير
بتوجعك أوي أوي و هتقتلك 😢
لكن مش قادر تسيبه
_كل ما تكدب على نفسك وتروضها علشان تقبل الواقع معاه ..
ويسرح بيك الخيال فتبني القصور والأحلام وتوصل للسحاب
ييجي هوا في غمضة عين
يسحبك ينزلك على جدور رقابتك ويرزعك في ساااابع أرض 😢
_في لحظة رضا يديك الأمل بإيد ..
وتاني يوم ياخده منك بإيديه الاتنين بكل قسوة وجبروت 😢
_كل يوم هوا بيكبر ويعلّي على حسابك وانت بتصغر وتصغر وتصغر
قدام نفسك
_ومع الوقت ..
هوا .. كبريائه وجبروته
وغروره (في الحب)
بيورم ويتضخم ويتعملق ..
وإنت .. واحدة واحدة ..
بتتلاشى
والنتيجة ...
إنه
_يستأسد عليك ... بمشاعرك
_ ويستقوي عليك ... بضعفك
_ويكرّهك في نفسك .. بحبك ليه
_يحاربك ويهزمك ... بسلاحك
_ ويذلك ويقهرك ... بأحلامك
_ ويهدمك و يهدك ... بإيديك
غلطان اللي يقولك ..
مافيش كرامة في الحب
غلطان اللي يقولك ..
أحلى مافي الحب ذُله
يمكن نكون غصب عننا ... بنحب
لما بنستجيب لشرارة الحب الأولى
ولما سهم الحب بيصيب القلب
بيكون خلاص اتمكن منه
وأصبح خروج السهم
معناه ...
خروج الروح
لكن اليأس والجرح
ممكن يوصلنا للحظة شجاعة وتحدي
بتخلينا نسحب بأيدينا
سهم الحب اللي راشق في القلب
وساعتها هنشوف بعنينا
نزيف مشاعرنا المجروحة
فتنزل تطهرنا ...
من ضعفنا وخضوعنا وذلنا
ويمكن نموت ...
لكن بكرامة
وإذا عيشنا ...
هنعيش
بآثار وندوب وعلامات جوانا
هتفضل دايما من وقت للتاني
توجعنا وتفكرنا
فتعلمنا الدرس القاسي
علشان لما نحب تاني ...
نتعلم نحط إحنا لنفسنا قاعدة
نمشي عليها
قاعدة بسيطة جدا
وسهلة وكل الناس فهماها كويس
هيا قاعدة ( خُد وهات )
و مش عيب أبدااااا
بالعكس ....
دي قاعدة سليمة مية في المية
و بتحقق العدل بين الطرفين
لأن علاقة الحب
مستحيل تقام وتستمر وتستقيم
إلاااا بالعدل والمساواه ...
بين طرفي العلاقة
في الحقوق والواجبات
وفي النهاية ... تبقٓى العبرة
ويبقى القانون .... 👇👇
جميع قرارات الكرامة صاااائبة
وإن جرحت القلوب 💔
و أبكت العيون 😢
ولام علينا ...
اللائمون
💔 رؤية وقلم 📝 صفاء الطويل 💔
تعليقات
إرسال تعليق